អ្នករស់នៅផ្ទះបណ្តែតទឹកក្នុងទន្លេក្រុងកំពង់ចាមទៅហើយមកវិញ
23-March-2016 | ដោយ មែន កំសត់
កំពង់ចាម ៖ ក្រុមអ្នករស់នៅលើផ្ទៃទឹកទន្លេមេគង្គ ជាមួយទ្រុងចិញ្ចឹមត្រីនៅសង្កាត់បឹងកុកក្រុងកំពង់ចាមភាគច្រើនជា ជនជាតិវៀតណាមប្រមាណជាង៣០គ្រួសារដែលអាជ្ញាធរបានឲ្យចាកចេញទៅរស់នៅ ខាងច្រាំងកោះដាច់ស្រុកកំពង់សៀមកាលពីមុនបុណ្យទន្លេនោះឥឡូវបានវិល មករស់នៅកន្លែងដើមវិញហើយ។
ប៉ុន្តែ លោកខ្ចងអូន ចៅសង្កាត់ បឹងកុកបានឆ្លើយបកស្រាយប្រាប់ នៅថ្ងៃទី២២ខែមីនាឆ្នាំ ២០១៦ថាពុំបានដឹងរឿងអ្នករស់នៅលើទឹកទាំងនោះបានវិលមកវិញទេ។តែ ពួកអ្នកទាំងនោះធ្លាប់ត្អូញត្អែរពីការលំបាកពេលទៅរស់នៅកន្លែងថ្មី បានជាងមួយសប្តាហ៍នោះថាពុំមានភ្លើងអគ្គិសនីប្រើប្រាស់គ្មាន ទឹកស្អាតប្រើប្រាស់និងពិបាកយកកូនចៅទៅសាលារៀនឆ្លងទៅមកហើយពួក នោះបានសន្យាឈប់រស់នៅរបៀបនេះបន្ទាប់ពីពួកគេលក់ត្រីចិញ្ចឹមក្នុង ទ្រុងអស់នឹងរកដីរស់នៅលើគោកវិញហើយ។
ចៅសង្កាត់បឹងកុកលោក ខ្ចង អូន បាន បកស្រាយទៀតថា៖ អ្នករស់នៅលើផ្ទះបណ្តែតទឹកសរុបចំនួន៣២គ្រួសារ។ ក្នុងនោះចំនួន២០គ្រួសារជាជនអន្តោប្រវេសន៍វៀតណាមស្របច្បាប់និងចំនួន ១២គ្រួសារជាជនជាតិខ្មែរ។ពួកអ្នករស់នៅលើផ្ទះទឹកទាំងនោះយើងបាន ឲ្យចេញទៅរស់នៅត្រើយម្ខាងកោះដាច់ក្នុងស្រុកកំពង់សៀមកាលពីមុនបុណ្យ ទន្លេ។ប៉ុន្តែកាលនោះជនជាតិវៀតណាមទៅទាំង ២០ គ្រួសារ ចំណែកជនជាតិខ្មែរទៅតែ ប្រាំបី គ្រួសារ គឺអ្នកមិនទៅ បួន គ្រួសារ។
លោកអនុសេនីយ៍ កែវ ប៊ុនហេង នាយប៉ុស្ត៍នគរបាលសង្កាត់បឹងកុកបាន ប្រាប់ឲ្យដឹងនៅថ្ងៃទី២២មីនាដែរថាករណីគ្រួសារអ្នករស់នៅលើផ្ទះ បណ្តែតទឹកនាំគ្នាអូសផ្ទះទ្រុងចិញ្ចឹមត្រីវិលមករស់នៅច្រាំងទន្លេ មេគង្គកន្លែងដើមវិញក្នុងសង្កាត់បឹងកុកនេះខាងលោកបានទទួលព័ត៌មាន ពីខាងសមាគមវៀតណាមវិញទេថាខាងសមាគមបានប្រាប់ទៅខាងអភិបាលក្រុង កំពង់ចាមរួចហើយពីផ្ទះបណ្តែតទឹកមកនៅកន្លែងដើមវិញនេះ។ ប៉ុន្តែខាងលោកអត់បានទទួលលិខិតស្នាមផ្លូវការឡើយ។
នាយប៉ុស្តិ៍រូបនេះបានឲ្យដឹងទៀតថានៅក្នុងសង្កាត់បឹងកុកនេះមាន ជនជាតិវៀតណាមរស់នៅជាលក្ខណ:អន្តោប្រវេសន៍ស្របច្បាប់ទាំងរស់នៅលើទឹក ក្នុងទន្លេមេគង្គនិងរស់នៅលើគោកសរុបចំនួន៦០គ្រួសារ។ពួកគេទាំងនោះ បានធ្វើជំរឿនជាច្រើនលើកហើយពីក្រសួងមហាផ្ទៃនាពេលកន្លងមក៕
ចំនួនអ្នកទស្សនា
- ថ្ងៃនេះ6711
- ម្សិលមិញ7271
- សប្តាហ៍នេះ26181
- ខែនេះ13991
- ឆ្នាំនេះ997211
- សរុប20224657